تركيا بالعربي / رصد
رصدت تركيا بالعربي رسالة من محامي سوري مقيمن في عنتاب وقد وجهها إلى السوريين في تركيا على هامش إزالة ملفات الجنسية التركية للآلاف من السوريين، حيث قال المحامي مصطفى خميس في منشور له رصدته تركيا بالعربي موجهاً كلامه للسوريين في تركيا:
(( انا و لاسبابي الخاصة امتنعت عن التعليق على موضوع الرسايل تبع الجنسية لكن اقتضت الحاجة التنويه الى:
1- الجنسية التركية الممنوحة للسوريين ممنوحة بصفة استثناء و هي ارقى المراتب بالنسبة للتجنيس من بين الزواج و العمل و كذا طريقة تانية للتجنيس (الفكرة من الاصل قانونية)
2- الدائرة المسؤولة عن التجنيس هي الادارة العامة للنفوس و الجنسية بانقرة تغير مديرها العام من فترة قصيرة (هون مربط الفرس)
3- المدة القانونية لاجراءات الحصول على الجنسية هي سنتين و في حال تجاوز المدة القانونية يحق للمديرية العامة ايقاف العمل على الملف وليس (الرفض) طبعا ايقاف العمل حقهم اما الرفض فلازم يكون مبني على امور قانونية و ضمن شروط معينة يعني لازم يكون في نص قانوني بيقول لو كان الامر كذا يتم رفض الملف
4- الرسالة اللي اجت معناها تم ازالة الملف من العمل اي تم ايقاف العمل على هذا الملف من قبلنا نتيجة التاخير في استكماله او تاخير الرد من احدى الجهات المسؤولة عنه او نقص في الاوراق او نتيجة لاي شي تاني
5- بيحق للناس اللي تم ازالة ملفهم يرجعوا يقدموا من اول و جديد عن طريق القرابة او اذن العمل او الزواج او حتى الاستثناء لو اجاهم من جديد
6- غالب الامر انه مدير ادارة النفوس و الجنسية الجديد ما اراد يحمل تبعات الملفات النايمة بمديريته من على دور المدير السابق و طبق النظام على انه اي ملف انتهت مدة دراسته القانونية و ما تم البت فيه قام بايقاف العمل به و هيك بيكون استلم على نظافة
7- بالنسبة للامتعاض اللي صار و الاحساس بالقهر نتيجة الغاء كل هالملفات دفعة وحدة ناتج عن انه نحن كلاجئين بهالبلاد ما كنا نفهم انه نحن (تحت الحماية المؤقتة) و مالنا اية اعتبارات في اذهان المسؤولين بهالبلد من اي نوع الجماعه عاملين ضمن مؤسسات بتعمل ضمن روتين و منظمة بقوانين هن بيوجهوها حسب ما هن بدهون و ما في اي اعتبار لمشاعر و احاسيس الناس اللي معلقة مصيرها بهي الامور
8- تركيا كدولة توصيفها القانوني لوجود السوريين فيها ضمن الحماية المؤقتة وما بتعترف فينا كلاجئين و بناءا عليه نحن ما عندنا اية حقوق قانونية كلاجئين لازم نفهم هي النقطة منيح كتير يعني حتى اللي عنده اذن عمل ل 5 سنوات و هو ضمن الحماية المؤقتة ما بيحق له المطالبة بالحصول على الجنسية (لانه ضمن الحماية -يعني ما له حق بالمطالبة-)
8- انا بدعوا كل الناس اللي عندها امكانية انها تسافر لبلاد تانية بتعترف بالمواطن السوري كلاجئ و تاخد حقوقها كلاجئين أنها تسافر. و بدعوا اي حدا عايش باي بلد لانه بلد مسلم وعنده امكانية الانتقال يفكر شوي بانه ينتقل لاي بلد تاني مو مسلم من باب التجريب.
و كمان بدعو كل الناس اللي عايشين ضمن دولة تركيا انهم يتقبلوا فكرة الوضع القانوني للمواطن السوري بهذا البلد و يعرف شو حقوقه المنصوص عليها ضمن قانون الحماية المؤقتة و شو القصص اللي هي مو من حقوقه.))
https://www.facebook.com/permalink.php?story_fbid=2707016699621579&id=100009398270629&__cft__[0]=AZViTq4GBFM9_o3F3DpQ-vKQCNWODiyjsVYSsK3ZCSk1NsK-0NVEnBWTfjGANt-HTdciDOsRd1nIwClfDd8BhdnEN1AekzvYgiY-HWfgb5h7Nl4KQdhPPCXdCJrpI45FaNI&__tn__=%2CO%2CP-R
