تركيا بالعربي / خاص
يرد الإعلامي علاء عثمان والمتخصص في الشؤون التركية بحلقة اليوم الأحد 15.07.2018 من حلقات سؤال وجواب على بعض الاستفسارات التي وصلتنا عبر قناة تركيا بالعربي على يوتيوب ولعل من أهم الاستفسارات الحوامل والكملك، العودة من أوروبا، الولايات التي يوجد بها كملك، زيارة عيد الأضحى.
بداية نسرد الأسئلة كما وصلتنا بالضبط وتجدون في نهايتها فيديو الأجوبة عليها:
1- تركيا بالعربي انو انا بقدر هلأ طالع كمليك ولا مابيعطوني لانو كتير ضروري الكمليك زوجتي حامل وبدها مشفى وشكرا كتير إلك اخي علاء لانك رديت ع سؤالي
2- انا دخلت على تركيا من مطار اتاتورك نظامي واخدت كيمليك من البوليس التركي وبعدا بكم يوم طلعت على أوروبا تهريب.. السؤال هو شو بيترتب عليي اذا بدي ادخل سياحة على تركيا؟ هل يوجد مخالفة لازم ادفعا اول وصولي على تركيا؟ واذا دخلت بجواز جنسية سويدية ممكن يعرفو انو دخلت على تركيا بجواز سوري وطلعت تهريب؟؟ مشكور سلفاً.
3- السلام عليكم انا وزوجتي قدمنا أثبات زواج في بورصة واستخرجنا كمالك لي ولزوجتي ومكتوب عليهما اننا متزوجون ما هية طريقة استخراج دفتر العائلة في هذه الحالة
4- اخي الكريم هل يوجد زياره لعيد الاضحى لعام 2018
5- اخي انا كنت في تركيا وبعدين نزلت علا سوريا ولكملك عطيتو لا ابن عمي وابن عمي سلمو علا باب السلامه ونزل علا سوريه وانا في معي نسخه تانيه عن الكملك ولم رجعت لهون علا تركيا رحت علا امنيات طلعت علا كملك طلع شغال اخي انا بدي اسالك أز نزلت علا سوريا في اجازه العيد عبقولو في بصمه أز بصمت بتطلع بصمتي علا الكملك
6- اخي اذا سمحت انا باليوانان وبدي ارجع على سوريا هل يسمح لي بالمرور وكيف طريقة العوده وارجو الاجابه والمساعده عن طريق الحدود وكيف المرور عن طريق ابحدود
7- مرحبا استاز هل منح الجنسي التركي للسورين صحيح ام لا
8- أخي مافي اخبار عن البصم مشان الكملك في اسطنبول اتمنا الرد
9- استاذ علاء انا عبعمل بشركة من سنة وعندي سكورتا هل سكورتا هي اذن عمل نفسها وصاحب شركة عبدفعلي تأمين وهلق تركت عمل وقدمت اوراق من جديد لغير شركة وقعت عقد جديد هل هو اذن عمل
10- أخي الكريم بدي سافر إلى أفيون اختي وأبني موجود هناك وإلى ٢ سنتين لم أحصل على كملك من عنتاب وأريد أن أحصل على كملك من أفيون قالو لي موجود بحيث أوقفتني الجندرمى ماذا أفعل علمن الحمد والشكر لله لايوجد علي ولا اي شيئ وزوجتي على وشك الولادة
11- شكرا الك استاذ علاء 💜💜الله يوفقك ويسعدك بدي اسالك في طفل جايي مع اخواتو ع تركيا بيحسن بيساوي لم شمل لأمو وأبوه ولالا
12- أخي علاء السلام عليكم بتمني ترد علي انا من متابعينك عندي سؤال انا صرلي 4 سنين بتركيا بس ماطلعت هوية كنت ماافضى وكل ماطالع وصل وبدي طالع بيضيع الوصل او مابقا بيعطو هويات هلق بقدر اطالع كمليك او لا
13- السلام عليكم استاذ علاء يعطيك العافية..سؤال هل يوجد منحات دراسية للسورين …بدي جيب زوجتي على تركيا اذا في منحات شو لازم اعمل ..ارجو الرد
14- السلام عليكم ورحمة الله تعالى وبركاته اخي الكريم علاء الله يجزيكم الخير هلا يوجد لم شمل ولالا واذا بدي اتزوج امرأة عندها ٤اولاد مابيرقربوني بحسن ألم شمل ولالا وحتى المراة لاتقربني اعمار الاولاد ١٤و١٣و٩و٣سنوات ارجو الرد على السؤال أنا سالت اكتر من مرة ومااجني رد اسف رح اكتب السؤال بتعليقات اكتر من مرة بركي بتردلي
15- السلام عليكم اخي علاء انا دخلت تركيا مع بنتي مريضة دخلت اسعاف وبنتي توفت ودفنتا هون وانا ضليت بتركيا هل بقائي قانوني كايا سوري ويحق لي نزول اجازة العيد والعودة جاوبني الله يبارك فيك
والآن نترككم مع فيديو الأجوبة ولكن قبل ذلك نأمل اشتراككم في قناة تركيا بالعربي على يوتيوب لنرد على استفساراتكم ونوافيكم بكل القرارات التركية الجديدة:
